Matthew 12
ព្រះយេស៊ូជាម្ចាស់លើថ្ងៃសប្ប័ទ
1នៅគ្រានោះព្រះយេស៊ូបានយាងកាត់វាលស្រែនៅថ្ងៃសប្ប័ទពេលនោះពួកសិស្សរបស់ព្រះអង្គឃ្លានពួកគេក៏ចាប់ផ្ដើមបូតកួរស្រូវមកបរិភោគ។ 2ពេលពួកអ្នកខាងគណៈផារិស៊ីឃើញដូច្នេះក៏ទូលព្រះអង្គថា៖ «មើល៍ពួកសិស្សរបស់លោកកំពុងធ្វើអ្វីដែលវិន័យបានហាមនៅថ្ងៃសប្ប័ទ» 3ប៉ុន្ដែព្រះអង្គមានបន្ទូលទៅពួកគេថា៖ «តើអ្នករាល់គ្នាមិនដែលបានអានអំពីអ្វីដែលស្ដេចដាវីឌនិងគូកនរបស់ស្ដេចបានធ្វើ ▼▼សកម្មភាពរបស់ស្ដេចដាវីឌ ត្រូវបានកត់ត្រាទុកនៅក្នុង ១ សាំយូ ២១:១-៦។ មាននៅក្នុង ១២:៣-៤ ។
នៅពេលដែលស្ដេចឃ្លានទេឬ? 4គឺស្ដេចបានចូលទៅក្នុងដំណាក់ព្រះជាម្ចាស់ហើយបរិភោគនំប៉័ងតាំងថ្វាយព្រះជាម្ចាស់ដែលវិន័យមិនអនុញ្ញាតឲ្យស្ដេចនិងគូកនបរិភោគឡើយលើកលែងតែសង្ឃប៉ុណ្ណោះ។ 5តើអ្នករាល់គ្នាមិនបានអានគម្ពីរវិន័យទេឬ? គឺនៅថ្ងៃសប្ប័ទសង្ឃក្នុងព្រះវិហារដែលបំពានវិន័យថ្ងៃសប្ប័ទគ្មានទោសទេ 6ប៉ុន្ដែខ្ញុំប្រាប់អ្នករាល់គ្នាថាម្នាក់ដែលវិសេសជាងព្រះវិហារគឺនៅទីនេះស្រាប់ហើយ។ 7ប៉ុន្ដែបើអ្នករាល់គ្នាយល់អត្ថន័យនៃសេចក្ដីថាយើងចង់បានសេចក្ដីមេត្ដាមិនមែនយញ្ញបូជាទេនោះអ្នករាល់គ្នានឹងមិនថ្កោលទោសអ្នកគ្មានទោសទេ 8ដ្បិតកូនមនុស្ស ▼▼«កូនមនុស្ស» ជាងារដែលប្រើសម្រាប់តែព្រះយេស៊ូប៉ុណ្ណោះ នៅក្នុងគម្ពីរសញ្ញាថ្មី។
ជាម្ចាស់លើថ្ងៃសប្ប័ទ»។ ព្រះយេស៊ូប្រោសបុរសស្វិតដៃនៅថ្ងៃសប្ប័ទ
9ព្រះអង្គក៏យាងចេញពីទីនោះហើយចូលទៅក្នុងសាលាប្រជុំរបស់ពួកគេ។ 10ពេលនោះមានបុរសម្នាក់ស្វិតដៃម្ខាងនៅទីនោះហើយគេបានទូលសួរព្រះអង្គថា៖ «តើវិន័យអនុញ្ញាតឲ្យប្រោសមនុស្សនៅថ្ងៃសប្ប័ទដែរឬទេ?» គេសួរបែបនេះគឺដើម្បីឲ្យគេអាចចោទប្រកាន់ព្រះអង្គបាន។ 11ប៉ុន្ដែព្រះអង្គមានបន្ទូលទៅគេថា៖ «បើមនុស្សម្នាក់ក្នុងចំណោមអ្នករាល់គ្នាមានចៀមមួយក្បាលហើយចៀមនោះធ្លាក់ក្នុងរណ្ដៅនៅថ្ងៃសប្ប័ទតើអ្នកនោះមិនស្រង់វាចេញពីរណ្ដៅនោះទេឬ? 12ឯមនុស្សមានតម្លៃលើសចៀមមួយក្បាលទៅទៀតហេតុនេះវិន័យអនុញ្ញាតឲ្យធ្វើអំពើល្អនៅថ្ងៃសប្ប័ទ» 13បន្ទាប់មកព្រះអង្គមានបន្ទូលទៅបុរសនោះថា៖ «ចូរលាតដៃអ្នកចុះ!» គាត់ក៏លាតដៃហើយដៃនោះក៏បានជាដូចដៃម្ខាងទៀត។ 14ពួកអ្នកខាងគណៈផារិស៊ីបានចេញទៅហើយពិគ្រោះគ្នាដើម្បីរកវិធីសម្លាប់ព្រះអង្គ។ព្រះយេស៊ូជាអ្នកបម្រើព្រះជាម្ចាស់
15កាលព្រះយេស៊ូជ្រាបពីការនេះក៏យាងចេញពីទីនោះហើយមានបណ្ដាជនច្រើនកុះករបានដើរតាមព្រះអង្គ។ ព្រះអង្គបានប្រោសពួកគេទាំងអស់គ្នាឲ្យបានជា 16ហើយព្រះអង្គបានហាមពួកគេមិនឲ្យនិយាយប្រាប់គេថាព្រះអង្គជាអ្នកណាទេ 17ដើម្បីឲ្យសម្រេចសេចក្ដីដែលបានថ្លែងទុកតាមរយៈលោកអេសាយជាអ្នកនាំព្រះបន្ទូលថា៖ 18«មើល៍អ្នកបម្រើដែលយើងជ្រើសរើសជាអ្នកជាទីស្រលាញ់ដែលយើងពេញចិត្តយើងនឹងដាក់វិញ្ញាណយើងសណ្ឋិតលើព្រះអង្គ ▼▼«មើល៍ អ្នកបម្រើ...ព្រះអង្គ» សូមមើល អេសា ៤២:១-៤។ មាននៅក្នុង ១២:១៨-២១។
ហើយព្រះអង្គនឹងប្រកាសយុត្តិធម៌ដល់ជនជាតិនានា 19ព្រះអង្គមិនឈ្លោះប្រកែកឬស្រែកក្ដែងៗទេហើយគ្មានអ្នកណាម្នាក់ឮសម្រែកព្រះអង្គនៅតាមផ្លូវឡើយ 20ព្រះអង្គមិនកាច់ដើមត្រែងណាដែលហៀបនឹងបាក់ហើយក៏មិនពន្លត់ប្រឆេះណាដែលនៅហុយដែររហូតដល់ព្រះអង្គនាំយុត្តិធម៌ឲ្យមានជ័យជម្នះ 21ហើយគ្រប់ជនជាតិនឹងសង្ឃឹមលើព្រះនាមព្រះអង្គ»។ មេដឹកនាំសាសនាហៅព្រះយេស៊ូថាមេអារក្ស
22បន្ទាប់មកគេបាននាំមនុស្សខ្វាក់ភ្នែកហើយគដោយសារតែមានអារក្សចូលមកឯព្រះអង្គរួចព្រះអង្គបានប្រោសគាត់ឲ្យជា។ ដូច្នេះគាត់ក៏និយាយរួចហើយមើលឃើញបានផង។ 23បណ្ដាជនទាំងអស់បាននឹកអស្ចារ្យហើយនិយាយថា៖ «តើលោកនេះជាពូជពង្សស្ដេចដាវីឌមែនឬ?» 24ប៉ុន្ដែពេលពួកអ្នកខាងគណៈផារិស៊ីស្ដាប់ឮក៏និយាយថា៖ «អ្នកនេះបណ្ដេញពួកអារក្សបានដូច្នេះគឺដោយសារបេលសេប៊ូល ▼▼«បេលសេប៊ូល» គឺជាឈ្មោះរបស់អារក្សសាតាំង ដែលជាចៅហ្វាយរបស់ពួកវិញ្ញាណអាក្រក់។ ឈ្មោះនេះប្រហែលជាទាក់ទងទៅនឹងឈ្មោះព្រះរបស់ជនជាតិភីលីស្ទីនដែលគេហៅថា «បាលសេប៊ូប» (មើលក្នុង ២ ពង្សា ១:២-៣)។ មាននៅក្នុង ១២:២៧ ដែរ។
ជាមេអារក្សទេតើ»។ 25ប៉ុន្ដែពេលព្រះយេស៊ូដឹងពីគំនិតគេព្រះអង្គមានបន្ទូលទៅគេថា៖ «នគរណាបែកបាក់គ្នានោះវិនាសហើយហើយក្រុងឬគ្រួសារណាបែកបាក់គ្នានោះមិននៅស្ថិតស្ថេរទេ 26បើអារក្សសាតាំងបណ្ដេញអារក្សសាតាំងនោះពួកវាបែកបាក់គ្នាហើយតើនគររបស់ពួកវានៅស្ថិតស្ថេរយ៉ាងដូចម្ដេចទៅ? 27ហើយបើខ្ញុំបណ្ដេញពួកអារក្សដោយសារអារក្សបេលសេប៊ូលមែនតើកូនចៅរបស់អ្នករាល់គ្នាបណ្ដេញពួកវាដោយសារអ្នកណា? ដូច្នេះពួកគេក្លាយជាចៅក្រមរបស់អ្នករាល់គ្នា។ 28ប៉ុន្ដែបើខ្ញុំបណ្ដេញពួកអារក្សដោយសារព្រះវិញ្ញាណរបស់ព្រះជាម្ចាស់នោះនគរព្រះជាម្ចាស់បានមកដល់អ្នករាល់គ្នាហើយ។ 29តើអ្នកណាអាចចូលទៅក្នុងផ្ទះមនុស្សខ្លាំងហើយប្លន់យកទ្រព្យរបស់ពីផ្ទះគាត់បានយ៉ាងដូចម្ដេច? លើកលែងតែចងមនុស្សខ្លាំងនោះជាមុនសិនទើបអាចប្លន់ផ្ទះគាត់បាន។ 30អ្នកដែលមិននៅខាងខ្ញុំអ្នកនោះប្រឆាំងនឹងខ្ញុំអ្នកដែលមិនប្រមូលជាមួយខ្ញុំអ្នកនោះកម្ចាត់កម្ចាយហើយ។ 31ដូច្នេះខ្ញុំប្រាប់អ្នករាល់គ្នាថាមនុស្សនឹងទទួលបានការលើកលែងទោសចំពោះគ្រប់ទាំងបាបនិងពាក្យប្រមាថព្រះជាម្ចាស់ប៉ុន្ដែពាក្យប្រមាថដល់ព្រះវិញ្ញាណ ▼▼«ពាក្យប្រមាថព្រះវិញ្ញាណបរិសុទ្ធ» គឺជាការបដិសេធអ្វីៗដែលព្រះជាម្ចាស់ធ្វើ ហើយហៅការទាំងនោះថាមកពីអារក្សវិញ។
នឹងមិនបានទទួលការលើកលែងទោសទេ 32ហើយអ្នកណាពោលពាក្យទាស់នឹងកូនមនុស្ស ▼▼«កូនមនុស្ស» ជាងារដែលប្រើសម្រាប់តែព្រះយេស៊ូប៉ុណ្ណោះ នៅក្នុងគម្ពីរសញ្ញាថ្មី។ មាននៅក្នុង ១២:៤០ ដែរ។
អាចលើកលែងទោសឲ្យបានប៉ុន្ដែអ្នកណាពោលពាក្យទាស់នឹងព្រះវិញ្ញាណបរិសុទ្ធនោះមិនអាចលើកលែងទោសឲ្យបានទេទាំងនៅជំនាន់នេះនិងនៅជំនាន់ដែលនឹងមកដល់។ ព្រះយេស៊ូបង្រៀនអំពីការសំគាល់ផលផ្លែ
33ដាំដើមឈើល្អផ្លែរបស់វាក៏ល្អផ្ទុយទៅវិញដាំដើមឈើមិនល្អផ្លែរបស់វាក៏មិនល្អដែរដ្បិតគេស្គាល់ដើមឈើដោយសារផ្លែរបស់វា។ 34ឱពូជពស់វែកអើយ! អ្នករាល់គ្នាជាមនុស្សអាក្រក់តើធ្វើដូចម្ដេចឲ្យអ្នករាល់គ្នាអាចពោលសេចក្ដីល្អបាន? ដ្បិតមាត់និយាយតាមតែសេចក្ដីហូរហៀរនៃចិត្ដ។ 35មនុស្សល្អបញ្ចេញសេចក្ដីល្អពីកំណប់ល្អក្នុងចិត្ដរបស់ខ្លួនឯមនុស្សឤក្រក់ក៏បញ្ចេញសេចក្ដីអាក្រក់ពីកំណប់អាក្រក់ក្នុងចិត្ដរបស់ខ្លួនដែរ។ 36តែខ្ញុំប្រាប់អ្នករាល់គ្នាថានៅថ្ងៃជំនុំជម្រះមនុស្សនឹងរៀបរាប់អំពីពាក្យឥតប្រយោជន៍ទាំងអស់ដែលគេបាននិយាយ 37ព្រោះអ្នករាល់គ្នានឹងបានរាប់ជាសុចរិតដោយសារពាក្យសំដីរបស់ខ្លួនហើយក៏នឹងត្រូវជាប់ទោសដោយសារពាក្យសំដីរបស់ខ្លួនដែរ»។ព្រះយេស៊ូផ្ដល់ទីសំគាល់អំពីលោកយ៉ូណាស
38បន្ទាប់មកពួកគ្រូវិន័យនិងពួកអ្នកខាងគណៈផារិស៊ីខ្លះបានទូលថា៖ «លោកគ្រូយើងចង់ឃើញទីសំគាល់មួយពីលោក» 39ប៉ុន្ដែព្រះយេស៊ូមានបន្ទូលទៅពួកគេថា៖ «ជំនាន់មនុស្សដ៏ឤក្រក់និងផិតក្បត់ស្វែងរកទីសំគាល់ប៉ុន្ដែគ្មានទីសំគាល់ណាប្រទានឲ្យមនុស្សជំនាន់នេះទេក្រៅពីទីសំគាល់លោកយ៉ូណាសជាអ្នកនាំព្រះបន្ទូល 40ដ្បិតលោកយ៉ូណាសបាននៅក្នុងពោះត្រីដ៏ធំបីថ្ងៃបីយប់យ៉ាងណាកូនមនុស្សនឹងនៅក្នុងដីបីថ្ងៃបីយប់យ៉ាងនោះដែរ។ 41នៅគ្រាជំនុំជម្រះអ្នកក្រុងនីនីវេនឹងក្រោកឈរឡើងជាមួយមនុស្សជំនាន់នេះរួចដាក់ទោសដល់ជំនាន់នេះព្រោះពួកគេបានប្រែចិត្ដនៅពេលឮសេចក្ដីប្រកាសរបស់លោកយ៉ូណាសប៉ុន្ដែមើល៍ម្នាក់ដែលវិសេសជាងលោកយ៉ូណាសគឺនៅទីនេះស្រាប់ហើយ។ 42នៅគ្រាជំនុំជម្រះម្ចាស់ក្សត្រីភាគខាងត្បូងនឹងក្រោកឡើងជាមួយមនុស្សជំនាន់នេះរួចដាក់ទោសដល់ជំនាន់នេះដ្បិតព្រះនាងបានមកពីចុងបំផុតនៃផែនដីដើម្បីស្ដាប់ប្រាជ្ញារបស់ស្ដេចសាឡូម៉ូនប៉ុន្ដែមើល៍ម្នាក់ដែលវិសេសជាងស្ដេចសាឡូម៉ូនគឺនៅទីនេះស្រាប់ហើយ។ 43ពេលវិញ្ញាណឤក្រក់ ▼
▼«វិញ្ញាណអាក្រក់» ជាវិញ្ញាណដែលអាចចូលមនុស្សបាន។ គេហៅវាថា «អាក្រក់» ព្រោះវាធ្វើឲ្យរូបកាយមានភាពច្របូកច្របល់ ឬមានសកម្មភាពដែលធ្វើឲ្យមនុស្សមិនបរិសុទ្ធ ធ្វើឲ្យពួកគេមិនអាចចូលរួមក្នុងការថ្វាយបង្គំជាសាធារណ: រហូតទាល់តែភាពមិនបរិសុទ្ធរបស់ពួកគេ ត្រូវបានដកចេញ។
ចេញពីមនុស្សម្នាក់វាក៏ទៅស្វែងរកកន្លែងសម្រាកនៅទីហួតហែងប៉ុន្ដែរកមិនបាន 44នោះវានិយាយថាអញនឹងត្រលប់ទៅផ្ទះរបស់អញដែលអញបានចេញមកនោះវិញ។ ពេលមកដល់វាក៏ឃើញថានៅទំនេរទាំងបោសស្អាតនិងមានរបៀបផង 45នោះវាក៏ទៅនាំវិញ្ញាណប្រាំពីរទៀត ▼▼«វិញ្ញាណប្រាំពីរទៀត» សំដៅលើ «វិញ្ញាណអាក្រក់ប្រាំពីរទៀត»។
ដែលឤក្រក់ជាងវាចូលទៅនៅទីនោះដូច្នេះស្ថានភាពក្រោយរបស់មនុស្សនេះនឹងឤក្រក់ជាងមុនទៅទៀតហើយមនុស្សជំនាន់ដ៏ឤក្រក់នេះក៏ដូច្នោះដែរ»។ បងប្អូនពិតប្រាកដរបស់ព្រះយេស៊ូ
46កាលកំពុងមានបន្ទូលនឹងបណ្ដាជននៅឡើយនោះម្ដាយនិងបងប្អូនរបស់ព្រះយេស៊ូបានឈរនៅខាងក្រៅចង់និយាយជាមួយនឹងព្រះអង្គ។ 47មានម្នាក់ទូលព្រះអង្គថា៖ «មើល៍ម្ដាយនិងបងប្អូនរបស់លោកឈរនៅខាងក្រៅចង់និយាយជាមួយនឹងលោក» 48ប៉ុន្ដែព្រះអង្គមានបន្ទូលឆ្លើយទៅអ្នកដែលបានទូលព្រះអង្គនោះថា៖ «តើនរណាជាម្ដាយនិងជាបងប្អូនរបស់ខ្ញុំ?» 49រួចហើយព្រះអង្គក៏មានបន្ទូលទាំងលាតព្រះ ▼▼«ព្រះហស្ដ» គឺជារាជស័ព្ធប្រើសម្រាប់ហៅ «ដៃ»។
ហស្ដទៅពួកសិស្សរបស់ព្រះអង្គថា៖ «អ្នកទាំងនេះហើយជាម្ដាយនិងជាបងប្អូនរបស់ខ្ញុំ 50ដ្បិតអ្នកណាដែលធ្វើតាមបំណងរបស់ព្រះវរបិតាខ្ញុំដែលគង់នៅស្ថានសួគ៌អ្នកនោះហើយជាបងប្អូនប្រុសស្រីនិងជាម្ដាយរបស់ខ្ញុំ»។
Copyright information for
KhmKCB